Atxondoko parrokoa izan ez den arren , urte askotan bertako elizkizunetan parte hartu izan duen Juanito Gallastegi abadeari omenaldia eskainiko diote, domekan, azaroaren 16an, atxondarrek.
Jubilatu egin da Juanito Gallastegi, eta hori dela-eta ekitaldi sorta antolatu dute bere omenez. Meza izango da 12.00etan, Axpeko elizan, eta, ondoren, aurreskua eskainiko diote. Bertsoak ere botako dituzte jarraian, eta, amaitzeko bazkaria egingo dute Axpeko Atx-Azpi elkartean (bazkarira joan ahal izateko, aldez aurretik erositako txartelak erosi beharko dira).