Eguraldiak ez zuen larregi lagundu martitzeneko, azaroaren 11ko San Martin eguna girotzen, baina ohiturara faltarik egin ez zuten herritarrek lagundu zuten eguna epeltzen.
Eguraldiak ez zuen larregi lagundu martitzeneko, azaroaren 11ko San Martin eguna girotzen, baina ohiturara faltarik egin ez zuten herritarrek lagundu zuten eguna epeltzen. Goizean, Martzaako San Martin elizpean egindako argazkia da horren erakusle: meza nagusia izan zen barruan 11:30etan, eta ohiturak agintzen duenez, musikak lagundutako luntxa izan zuten ondoren. Elizpeko epeltasunean aterpea hartuta igaro zuten San Martinen eguerdira artekoa.
Apatan arratsalderakoak izan dira Don Martin egunaren harira antolatutako jairako proposamen eta ekitaldiak. Frontoian izan zen Kultura Batzordeak eta Udalak gaztetxoendako pentsatutako hitzordua: umeendako jolasak eta antzerki emanaldia izan ziren.
Eguna borobiltzeko aldiz, eta Don Martineko ohitura nagusia mantenduta, ondoko argazkian jasotako txorizo eta txistorra banaketa izan zen Apatako frontoian. Duela 17 urte inguru berreskuratutako ohitura da aitatutakoa: Martin izeneko dirudun batek eraiki ei zuen elizako dorrea, baldintza bakarrarekin: auzoko etxe guztietan ardoa oparitu zezala bere izenean.
