Fuchosak 280 langileko lan-taldea dauka orain, eta iaz 44 milioi euro fakturatu zituen. Irailetik dihardu Fuchosak jarduera murriztuta, eta abendua bitartean bere hiru produkzio lerroetatik bi mantenduko ditu martxan, bere gaitasuna eta stockak erregulatzeko helburuarekin.
2008ko azkenengo hiruhilekoan Europan aurreikusi duten automobil berrien salmenta jaitsieragaz bat etorriko da Fuchosaren jardueraren jaitsiera. Horixe azaldu dute enpresako arduradunek: %30 jaistea aurreikusi dute. Salmenten jaitsiera horrek sektoreko lehen mailako hornitzaileak “gaitasuna murriztera edo hainbat astetan euren lantokietan geldiune garrantzitsuak egitera” eraman ditu, Fuchosako arduradunen berbetan.