Beroagaz batera, kalean musikaz eta kulturaz gozatzeko ekimenak martxan dira Durangon eta Elorrion. Gaurko emanaldiez gainera, Elorrion, Musikaireko beste bi ikuskizun izango dira zapatuan eta domekan: Bihar, Anni B Sweet musikari malabagarrak folk, indie eta pop doinuak ekarriko ditu Tola jauregira. Domekan, berriz, 'Mozkorra parregarri' opera komikoa eskainiko dute Tolan bertan, 19:00etan. Xabier Maria Munibe Peñafloridako konteak duela 250 urte egindako opera da, euskaraz kantatua izateko konposatu zen lehena. Bergarako musikariek antzeztutako obra da.