Bizi-euskarri aurreratuko anbulantzia hori egunez Durangon egongo da, 09:00etatik 21:00etara, eta gauez Zornotzan, 21:00etatik 09:00etara. Erizaintzako baliabide eta beharginak edukiko ditu.
Osakidetzako arduradunek prentsa ohar bidez esan dute duela urtebete zerbitzua hobetzeko hartutako konpromisoa bete dutela horrela. Landakoko larrialdietako beharginek adierazi zuten erizain gehiago behar zituztela eta anbulantzia medikalizatu baten beharra zegoela. Anbulantzia berria ez da ZIUkoa izango.
