Usadioari hutsik egin gabe, Otxandioren eta Aramaioren artean dagoen lur zatira bisita egin zuten otxandiarrek, atzo. Gaur egun ere eztabaida sortzen duen Limitaduko mugarriak aztertzeko baliatu zuten irteera. Eguraldiak lagundu ez zuen arren, otxandiar asko batu ziren 500 urtean baino gehiagoan mantendu den Basabisitara.

Uztailaren 22an bete ziren 89 urte frankistek Otxandio bonbardatu zutela. Andikona plazan 61 pertsona hil zituzten, gehienak emakumeak eta umeak. Urtero legez, Andikona 1936 elkarteak oroimen ekitaldia egin du Otxandioko Udalaren laguntzagaz. Gerediaga elkarteak ere parte hartu du.