Dantzarien harreragaz eta dantza saioagaz hartu dituzte gaur Abadiño Sokatira Taldeko kideak. Joan zen astean Munduko Txapelketak lortutako emaitzegaitik omendu dituzte. "Gure herria, Abadiño, mundutik zehar eramaten duzue eta guretzat ohore bat da. Gainera urte guzti hauetan egindako ibilbidea goraipatu gura dugu", adierazi du Mikel Urrutia alkateak.
Edu Mendizabal sokatira taldeko kideak, berriz, eskerrak eman dizkie abadiñarrei. "Duela 31 urte gure lehenengo Munduko Txapelketan parte hartu genuen, eta dagoeneko 18tan egon gara. Eskerrik asko Abadiñoko Udalari, Lasueni eta abadiñarrei beti hor egotearren".