Euskal Herrian Euskarazek Harrotze Astea egingo du apirilaren 22tik 28ra. Elkarteak Euskal Herriko hainbat herritara eramango ditu euskararen ahalduntzea helburu duten egitasmoak. "Egitasmo nazionalak antolatzeaz aparte, beharrezkoa da tokian tokiko ekintzak eta mobilizazioak egitea. Argi dugu euskararen aldeko dinamikak kaleratu behar ditugula. Euskarak kalean egon behar du, eta kalera irtengo dugu eskualde bakoitzean, herri bakoitzean, dauden gabeziak mahaigaineratzeko. Euskalduna naiz eta harro nago lema oinarri hartuta, harrotze hori irudikatuko dugu", azaldu dute egitasmoaren bultzatzaileek.
Euskal Herrian Euskarazek bihar emango ditu egitasmoari buruzko xehetasun guztiak. Tokian tokiko dinamikak, ekintzak eta mobilizazioak iragarriko ditu, besteak beste. Aurkezpen ekitaldia San Agustin Kulturgunean izango da, bihar, hilak 10, 18:30ean.