Unai Suarez Tabirakoko jokalariaren hitzetan, “espero genuen bezala partidua ez zen erraza izan”. Tabirakok hutsuneak izan zituen taldean, lesionatu bi eta zigortutako batek kanpoan geratu behar izan baitzuten. Hala ere, Bilbon, lehenengoen artean egoteko behar zituzten puntuak eskuratzea lortu zuten.
Larunbat honetan, Tabirakok denboraldiko azken partida izango du etxean. 19:00etan Paduraren kontra jokatuko dute. Partidu hau, denboraldi honetako azken aurrekoa izango da. Eta berau irabaziz gero, Tabirakok Play Off postuak ziurtatuta izango ditu.
