Rio de Oro taldeak aniztasun funtzionala edo ezgaitasunak dauzkaten ume sahararrak ekartzen ditu udan, Tindufetik, eta Izurtzan hartzen dute aterpe. Mikel Del Arco kideak azaldu du, arlo horretan dihardutenez, behar bereziak dituzten umeen eskola bat konpontzeko batuko dutela dirua. Eskola hori Dajla eskualdekoa izango da, kalte gehien jaso duen zonaldeetako bat, hain zuzen. “Jasotako diruaren %100 inbertituko da”, esan du Del Arcok. Hauxe da kontu korronte zenbakia: 3035-0129-1112-9003-4483. Bere esanetan, batutako diruaren arabera, udan hona etorritako umeen familiei ere lagunduko diete. “Batzuei etxeko horma bat jausi zaie, eta zenbaiti etxe osoa”.
Abenduan joango dira Tindufera, eta, laguntza emateaz gainera, eskolak bisitatu eta datorren udako ume taldea osatuko dute.
16 elorriar bidaian
Elorriotik ere 16 herritar joango dira kanpamenduetara, abenduan, eta ur biltegien ekimenaz aparte, 300 kilo janari eramango dituzte.