Sarako mendi lasterketan erakustaldia eskaini du Oier Ariznabarreta durangarrak: 1.53:39. Orain lau urte Aitor Osak ezarritako marka bi minutuan jaitsi du. Hasieratik amaierara jaun eta jabe izan da Ariznabarreta eta Hassan It Chaou bigarren sailkatuari ia bost minutuko aldea atera dio: 1.58.25. Nicolas Armaillacok osatu du podiuma irabazlearengandik hamar minutu eskasera: 2.03.35.
Emakumeetan Aitziber Ibarbiak iazko garaipena berritu du: 2.30.28. Handik hiru minutara helmugaratu da Oihana Azkorbebeitia abadiñarra: 2.33.36. Sarah Dincloux korrikalariak osatu du podiuma: 2.36.26.