Hainbat programa ezarri dira Durangon adinekoentzat, hala nola: podologia eta kafetegi zerbitzua, suteak detektatzeko programa (2010ean), ‘Lagunkide’ adineko pertsonak laguntzeko boluntariotza programa (2013an), tailer psikosozialak hainbat auzotan: San Fauston eta Madalenan (2016an) eta Aramotzen (2018an), jantoki-zerbitzua Adinekoen Egoitzan (2016an) eta etxez etxeko janari-zerbitzua (2019an).
Durangoko PSEn argi daukagu, alde batetik, bizitasun nekaezina duten adinekoei ahalduntzen eta antolatzen lagundu behar diegula, eta, bestetik, kolektiborik hauskorrenarekin babes neurriak ezartzen jarraitu behar dugula bakardadea detektatzeko. Hauek dira legegintzaldi honetan zehar faltan izan ditugun ekintza zehatzak. Gainera, nagusiek urtez urte instalazio duinak eskatzen dizkigute, esate baterako, kokapen eta irisgarritasun ona duen adinekoen zentroa, eta guk borrokan jarraituko dugu hori gauzatu ahal izateko.