Ez dute diru laguntzarik eskatzen, egiten duten lana egoki eta zuzen ordaintzea da eskatzen dutena.
Egin beharreko tramiteak sinplifikatu, arindu eta erraztu.
Lur gehiago, ustiapenak errentagarriak izan daitezen.
Eta beste abar luze bat.
Horren aurrean politikariak entzungor azaltzen dira eta kontrako erabakiak hartzen dituzte, behar beharrezkoa duten lurra zementu bihurtuz.
Elorrion PNVk eta EH Bilduk bat egin dute Pulla-Azkarreta, balio agrologiko handiko lurzorua, makro-industrialdea aurrera eramateko. Non geratzen da PNV, EH Bildu, PSEk Eusko Parlamentuak onartutako Aldaketa Klimatikoaren legea?
Elorrion zertarako behar dugu beste industrialde bat, 16 hektarea inguru erabilerarik gabe eta kutsatutako industria-lurrak daudenean? Hektarea horiek deskutsatu ondoren erabiliz gero nahiko eta sobera izango litzateke baserritarrei lur emankorrik kendu gabe, baina, dirudienez horretaz ez dira ohartu ez EH Bildu ezta EAJ ere.