1900. urte inguruko jatorrizko ezkontza hitzarmena ekarriko dute gogora, Oromiñoko etxalde batekoa, eta parte hartzera deitu dute. “Oromiño, Iurreta zein inguruko herritarrei zabaldutako deia da”, antolatzaileen berbetan. Apirilaren 12ra arte eman daiteke izena, 687 229 282 telefono zenbakira deituta. 2002an hasi ziren Euskal ezkontza ospatzen, eta bost urterik behin egiten dute, ehun bat lagun batuz. “Baserri ingurua da gurea, baserriko tresnei balioa eman gura diegu, eta garrantzi berezia ematen diegu apaingarriei. Dena den, jendeak parte hartzea gura dugu. Gainera, inguru paregabea dugu horretarako”. Gurdia ezik, beste tresna eta apaingarriak auzokoek utzitakoak dira, “eta mimo handiz zaintzen ditugu”, adierazi dute antolatzaileek.
