Gaur, San Sebastian egunez, meza izan dute 12:00etan, eta, 18:00etan, igel txapelketa hasiko da. Bertso afariak hartuko du lekukoa, 21:00etan. Eneko Abasolo ‘Abarkas’, Gorka Lazkano eta Igor Galarza gonbidatu dituzte bertara. Jarraian, Txapito Guzman eta Ibarrako langostinuek taldeak joko du. Biharko, berriz, tiro txapelketa (11:30) eta bakailao txapelketa (21:00) antolatu dituzte; eta, gauerdian hasiko den danborrada amaituta, Luhartzek jarriko du jai-giroa.
Etzi goizean, Iurretako abesbatzak mezan abestu, eta Mikel Deuna taldeko dantzariek saioa egingo dute. Arratsaldean, briska txapelketa, Maiztegiko dantzariak eta jolasak egongo dira.