Hirugarren adinekoei, adimen-minusbaliotasuna duten pertsonei, alfabetatzeko prozesuan dauden etorkinei, ikasteko zailtasunak dauzkatenei, edota gizarte-bazterketa jasateko arriskuan dauden kolektiboei zuzenduta dago tailerra. Blanca Matak gidatuko ditu saioak, eta aurreratu duenez, "guztiz praktikoa" izango da tailerra.
Urriaren 21ean eta 22an, 09:15etatik 12:15era burutuko dituzte saioak. Doakoa izango da tailerra, baina irailaren 25 orduko eman behar da izena. Ibarretxe kultur etxean eman daiteke izena (biblioteka@iurreta.net helbidean edo 946812726 telefono zenbakian).