Kantoi hori iraganean Elizburu eta Goieta kaleen artetik igarotzeko zen, eta Elorrioko Udalaren arabera ia ehun urtez egon da itxita. "Oinezkoen pasabiderako sarbidea arautzeko beharra dela eta, hainbat jarduketa osagarri egitea aurreikusten da eremutik kanpo. Elizburu kalean, oinezkoentzako egungo pasabide jasoa kenduko da, Ikastolako eta komentuko espaloiek oso zabalera txikia dutelako. Horrekin batera, kalexkaren aurrean oinezkoentzako pasabide berri bat egingo da", azaldu du udalak ohar baten bidez.
Gizarte arloko diru laguntzak
Bestalde, Elorrioko Udalak hiru dirulaguntza berri onartu berri ditu. Nagusi Aktiboen Jantoki programara bideratutako diru laguntzak, seme-alaben jaiotzarekin edo adopzioarekin lotura dutenak, eta herrien arteko lankidetza jardueretara bideratutakoak onartu dituzte.