Elorrioko Udalak eta Herri Ikastetxe eta Institutuak hartutako neurriaren ondorioz aurrerantzean elorriarrek eskolako jolasgunean dauden kirol instalazioak erabili ahal izango dituzte asteburuetan. Zapatutik aurrera, astebururo, irekiko dute kirola egiteko gunea; jai egunetan baita ere. Udalak jakitera eman duenez, 10:00etatik 20:00etara egongo da zabalik instalazioa.
Txus Arrieta zinegotziaren hitzetan, elorrioko kirolzale askok aspalditik aldarrikatzen zutena lortu dute, eta horregatik eskerrak eman nahi dizkiete eskolako zuzendaritzakoei. .