Jeltzaleen arabera, eguaztenean batzarra egiteko gonbitea jaso dute herriko elkarteek, baina eurek ez ei dute beste berririk momentuz. "EAJren aldeko apustua egin duten Elorrioko 1.500 biztanle ordezkatzen ditugu, eta udal bateko partaidetza prozesu garrantzitsuenaren definiziotik kanpo uztea ez zaigu gobernatzeko modu egokia iruditzen", esan du Joseba Mujika zinegotziak.
Ez hori bakarrik. Prozesua udaletik kanpo hasi dela salatu dute jeltzaleek: "EAJk jakin duenez, prozesua udaletik kanpoko bideak erabiliz jarri da martxan, eta hori erabat urruntzen da gure erakundeetan nagusi izan behar diren gobernu on eta gardentasun moduetatik".