Beste hiru sari ere eman dituzte asteburuan, Arriolako lehiaketan. 500 euroko sari bana jaso zuten Iguria eta Miel izeneko talde finalistek, eta Banda Aparta! taldearen Kaixo, agur! lanari eman zioten publikoaren saria. (Hemen, bozketen emaitza)
Hamar taldek parte hartu dute Elorrioko film laburren lehiaketaren X. edizioan, eta sarean ikusgai daude aurten osaturiko film labur guztiak.
Euren lanak osatzeko gai bezala, "Denboran galduta" gaia eman zieten antolatzaileek lehiaketaren parte-hartzaileei. Bestalde, "beldur denaren ezpatak, punta motz" esaldia eta loreak ere sartu behar zituzten euren film laburretan.