Domekan, aldiz, plazan eskainiko dute Kukai eta Lasala dantza taldeek emanaldia. Kukaik hogei minutu inguruko bere bi lan eskainiko ditu, 19:00etatik aurrera, Elorrioko plazan: Sorbatza eta Gelajauziak. Lasala konpainiak, ostera, Lauesku izeneko ikuskizuna eskainiko du.
Elizpetik elizpera
Uztail hasieran elizpean hasi zen Musikaire jaialdia, eta leku horretan amaituko da. Jaialdi honen aniztasunaren isla diren beste hiru emanaldi izango dira datorren asteburuan ere: Hondurasko Aurelio musikaria eta bere taldea, eta Corizonas eta Oreka TX taldeak ariko dira.
Bestetik, uztailaren 26an, 19:00etan, antzerki lan laburrekin gozatu ahalko da, Casajara jauregian: Javier Arandaren, eta Pez Limbo eta Trino Teatro taldeen antzerki lan laburrak izango dira ikusgai.