Jendeari suizidatzen laguntzen dion elkarte klandestino baten istorioa kontatzen du obrak. Beste kide bati bere buruaz beste egiten lagunduz gero, euren momentua iristean helburua betetzen lagunduko dien norbait alboan izango dutela ziurtatzen die elkarteak kideei.
Lanaren sinopsian taldeak adierazten duenaren arabera, krisiari esker loraturikoa da antzezlanean ageri den elkartea, “baina, azkenaldiko kimu berdeen eta baikortasunaren ondorioz, gero eta gutxiago dira suizidak”. Proiektu honegaz, “krisiak estutu bakarrik ez, ito ere egiten duela sentitzen duten pertsonei” ahotsa eman nahi izan diete Vaivén taldekoek.
Xabi Donosti, Garbiñe Insausti eta Ana Pimienta aktoreek dihardute oholtzan, eta Iñaki Salvador musikariak sortu du musika.