Zapatuan, 16:30ean, pilota partiduak eskainiko dituzte pilota eskolakoek, eta Mikel Goñik ere parte hartuko du jaialdian. 18:30ean, erromeria hasiko da, eta, gauez, kontzertu bana egongo da gaztetxean eta Ateneoan. Gaztetxean Anger, Bide Bakarra eta Baghdad taldeek joko dute 23:00etatik aurrera, eta Ateneoan musika elektronikoa ipiniko du Korrupted Brothersek, 00:00etan.
Bestalde, bigarren eskukoen azokaren hamargarren edizioa antolatu dute domekarako, 11:00etatik 15:00etara. Durangoko Andraguneko batukadak girotuko du azoka eta Elorrioko ekoizleek ere parte hartuko dute alde zaharrean egingo duten azokan.