Arespakotxagako obrak
Bestalde, Pujana jauregiaren eta Arriola kultur aretoaren ondoan dagoen Arespakotxaga parkean ere obrak egingo dituzte. Alde batetik, zorua aldatuko dute, eta, bestetik, lorategia berrituko dute. 25.000 euro erabiliko dituzte horretarako.
Ana Otadui alkateak azaldu duenez, elorriarrentzat “enblematikoa” den parke hori kontserbatu gura du udalak obraren bitartez. Horretaz gainera, espazioaren erosotasuna eta balio ludikoa zein estetikoa handitzea da udalaren helburua.