Ezbeharra gertatu den Metal Smelting enpresaren parean elkartu dira 18:00etan eta handik plazara arteko bidea manifestazioan egin dute ehundaka lagunek. Bidean, Endika Ruanoren lagun taldearen txokoa den Ganboatik igaro dira eta geldialdia egin dute. Ondoren, plazara joan dira eta bertan amaitu da ekitaldia.
Elkarretaratzera batu direnek pankarta bi erakutsi dituzte. Batak honakoa zioen: ‘Heriotza gehiagorik ez! Prekarietatea hiltzailea’. Bestean, berriz, honakoa irakurri zitekeen: ‘Betiko gure bihotzean; Lan istripu gehiagorik ez’. Ruanoren argazki handi bat ere erakutsi dute ibilbide osoan zehar.