Udalak ikasturte honetan ere zabalduko du Ludoteka, eta horretarako, izen-ematea hasi berri da. Interesdunek irailaren 19ra arte daukate inskripzioa egiteko aukera, udaletxeko erregistro orokorrean.
Irailaren 29tik ekainaren 19ra bitartean eskainiko dute zerbitzua, astelehenetik barikura, eta 17:00etatik 19:45era. Umeei protagonismoa ematea, errespetua, elkartasuna eta ahalmen kritikoa lako baloreak sustatzea eta aisialdian euskara sustatzea dira Ludotekaren helburuetako batzuk.