Herrian sortu ahal diren bereizketa arazoen aurrean lan egingo du. Kasu horiek identifikatu eta konpondu ahal izateko neurriak proposatzea eskatuko diote Berdintasun teknikariari. Arlo horretan ohikoak izaten dira formazio saioak, eta horiek antolatzeko ardura emango diote. Baldintzak www.elorrio.net webgunean eskegi dituzte.
Sinadura bilketa
Berdintasun teknikariaren lanpostuaz eztabaida egon izan da legegintzaldi honetan. Hasieran, EAJko gobernu taldeak adierazi zuen Amankomunazgoagaz kudeatu gura zuela zerbitzu hori. Baina Bildu ez zegoen ados, eta Txoko Feminista ere ez. Eragile horrek 600 sinadura batu zituen, teknikariaren postua berma zedila eskatzeko, eta iazko ekainean mozioa aurkeztu zuten. Udalbatzak aho batez onartu zuen proposamena. Ondorioz, postu hori egonkortzea erabaki zuten.