Juan Mari Balierren oroimenezko klasikoa 15:00etan hasiko da, martitzenean, Ezkurdin, eta toki berean izango du amaiera, Annemiek Van Vleuten faborito nagusia dela.
Bira hasiko da
Klasikoaren biharamunean, eguaztenean, Emakumeen Bira hasiko da Iurretan. 16:00etan hasita, Durangaldeko hainbat herri (Abadiño, Atxondo, Elorrio, Berriz eta Zornotza) zeharkatuko ditu lehenengo etapak.
UCI mailako 19 taldeetako bat eskualdekoa da: Bizkaia-Durango. Agurtzane Elorriagak zuzendutako taldeak Mavi Garciarentzat lan egingo du. Iaz 17. tokian amaitu zuen, eta aurten hamar onenen artean sartzen saiatuko dira. Aurtengo ibilbidea Palmako txirrindulariaren dohainentzat egokia dela uste dute. Etapa garaipenetarako, Lorena Llamas da beste aukera bat.