Jaietako eraso sexisten aurka abiatu duen sentsibilizazio kanpainagaz jarraituta, Beldur Barik Gunea ipiniko du udaleko Berdintasun sailak. Astelehenean, Txanporta plazan atonduko dute informazio gunea, eta 17:00etatik 18:00etara egongo da zabalik.
Haur eta gaztetxoendako hainbat ekintza antolatu ditu, esaterako, Jai Batzordeak; zapatuan 11:00etan, ume eta gazteen bizikleta martxa abiatuko dute, Txaporta plazatik; 8 eta 14 urte artekoentzat disko festa egingo dute, domekan, 18:00etan; astelehenean, Walkman antzezlana izango dute ikusgai, 17:00etan; eta Markeliñeren Crusoe, maiatzaren 19an, 17:00etan. Egun horretan, publiko helduari zuzenduriko antzezlan bat ere izango da ikusgai; Jainko Basatia eskainiko du Txalo Produkzioak taldeak, barikuan, 19:00etan.
Musikazale eta dantzazaleentzat ere aukera zabala izango da datozen egunetan, Zelaietako jaietan. Maiatzaren 20an, Bultz eta Tooth taldeek kontzertua eskainiko dute Txanporta plazan; astelehenean, San Trokaz egunean, Oxabi taldeagaz erromeria izango da; eta Laket taldea arituko da 20an.