Cristina Luengo andaluziarren zentroko presidenteak eman du egitarauaren berri gaurko aurkezpenean. Hilaren 5ean 19:00etan zabalduko dituzte ateak, eta Kriskitinegaz batera ospatuko den inaugurazioaren ostean, Vamo A Ecuchá taldearen kontzertuagaz hasiko dute jaia. Zapatuan, 12:30ean, Durangoko ume dantzarien taldeek ikuskizuna eskainiko dute. 17:00etatik aurrera, jantzien desfilea, kulturarteko dantzen jaialdia edota sevillana lehiaketa egingo dituzte. Domekan, 12:30ean, andaluziarren zentroko taldeen emanaldian 40 bat lagun igoko dira taulara.
Aitziber Irigorasek zentroak urte osoan burutzen duen lana nabarmendu du, “durangarrek durangarrentzat” egindakoa. Pilar Ríos alkateordearen esanetan, “udalarentzat ohorea da feriaren kolaboratzaile izatea”.