Etxezarreta parkea berriztu eta zabalduko duela esan du Durangoko Udalak

Markel Onaindia 2017ko api. 4a, 14:00

EH Bilduk parkeko atea zabaldu eta konponketa batzuk egin zituen asteburuan auzolanean. Gero, udalak berriro itxi zuen. Arduradunek azaldu dute ekintza bandalikoen eraginez itxi zutela, eta "puntu beltza" bilakatu zela. 

Musika eskola inguruko parkean lez, Museo ondoko Etxezarreta parkea ere guztiz zabalduko du udalak. Hesiak kendu, eta barrukoa egokituko du. Benita Uribarrena borrokalari antifaxistaren izena ipiniko diote parkeari, eta inauguratzen dutenean bere alaba gonbidatuko dute ekitaldira, Pilar Rios alkateordearen esanetan. 

Horrez gainera, Museoan bertan obrak egingo dituzte, irisgarriagoa egiteko. Eskailerak berritu edota komunak aldatuko dituzte, besteak beste. Joan zen asteko osoko bilkuran onartu zuten egitasmoa, kasik aho batez, EH Bildu kontra agertuta. Koalizioaren ustez, beste lehentasun batzuk daude herrian, zaborra batzeko kamioiak berriztea, adibidez. 

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!