Durango Uria judo txapelketak 330 judolari gazte eta 1.000 bat ikusle batu zituen asteburuan Landako kiroldegian. Durango Judo Taldeak 12 partaide izan zituen. Ainhoa Alonsoren urrezko dominaz gainera, zilarrezko eta brontzezko beste zazpi irabazi zituzten haur-kategorian zein kadeteetan. Sheila Conde, Deniba Konare, Josu Ayarzaguena eta Seyba Konarek zilarra jantzi zuten eta, Aimar Aiartzaguenak, Jon Mikel Beltranek eta Eneko Carballok brontzea.