Aurten 331 familiari eman die jaten JAEDek, euren baliabideekin ezin dutelako elikagai nahikorik erosi. Gainera, argindarra eta gasa ordaindu ezin duten 71 familiak jaso dute pobrezia energetikoari aurre egiteko laguntza ekonomikoa; guztira, 16.000 euro. Bestelako diru-laguntzak kontatuta, 130.000 euro eman ditu.
Bestalde, larrialdi egoeran daudenentzat salbazio bihurtzen da JAED. Etorkinen kasuan, adibidez, udaleko larrialdiko diru-laguntza jasotzeko sei hilez erroldatuta egon behar dute, baina batzuek ezin dute horrenbeste itxaron.