Azken berrien arabera, badirudi egoera laster aldatuko dela. Izan ere, geltoki zaharreko lurzoru hori urbanizatzen hasteko pausoa eman dute Eusko Jaurlaritzak eta udalak. Jaurlaritzak udalaren esku utziko ditu lurrak, eta 7 milioi euro inbertituko ditu urbanizazioan laguntzeko.
Hitzarmena udalagaz
Jaurlaritzaren menpeko ETS enpresa publikoak (Euskal Trenbide Sarea) eman du erabakiaren berri, eta iragarri du laster sinatuko duela hitzarmena udalagaz. “Durangoko Udala izango da eremuaren jabe, eta beharrezkoa deritzon erabilera publikoa eman diezaioke”.
Datarik ez
Momentuz ez dago lursailaren urbanizazioagaz lotutako beste datu eta eperik. Udaletik berria baieztatu dute, baina adierazi dute irailean zehar argituko dituztela egitasmoaren nondik norakoak.