Joan zen domeka goizean gertatu zen erasoa, 08:00 eta 09:00 artean, tren geltokiaren inguruetan. Udal informazioaren arabera, neskak erasoari aurre egin eta etetea lortu zuen. Gero, salaketa ipini zuen epaitegian.
Ertzaintzak ohar bidez azaldu du ustezko egilea topatu dutela, egun hartatik egindako ikerketaren ondorio lez. Durangon bertan atxilotu zuten atzo mutila, eta gaur utzi dute epailearen esku.
Mugimendu feministak deituta elkarretaratze jendetsua egin zuten joan zen eguenean. 016 da indarkeria matxista jasaten dutenen eskura dagoen telefonoa.
