Kamisetak, jertseak eta bestelako materiala lapurtu diete, Durangoko EHEko ordezkaria den Koldo Zaratek azaldu duenez: "Leihoa apurtuta sartu ziren eta bertan zegoen materialaren %90 lapurtu zuten. Baita bertan zegoen dokumentazioa ere. Materiala gordeta zegoen kutxetan, eta horietako gehienak hustu zituzten. Gero berriro jarri zituzten zeuden moduan".
Herrietako azoka eta jaietan saltzeko materiala da ibilgailu horretan zegoena. Iragan astean Durangon izan zen. "Udan ez dugu materiala saltzerik izango. Material hori ateratzeko erabilitako dirua galdu dugu, baina, batez ere, dirua irabazteari utziko diogu. Horrek izango du eragina aurrekontuan", dio Zaratek.