Enkarterri eta Ezkerraldeko bertsolariek baino 53 puntu gehiago batu dituzte Durangaldekoek, eta emaitza horren arabera, Durangaldeko taldea pasako da finalaurrekoetara. Txapelketatik kanpo geratu da, aldiz, Enkarterri eta Ezkerraldeko bertsolarien taldea.
Bittor Altube, Gorka Pagonabarra eta Iruri Altzerreka bertsolariak dira 18 urte artekoen sailean Durangaldea ordezkatu dutenak, eta Txaber Altube, Peio Azkarate eta Aitor Bizkarra, 19 eta 24 urte artekoen taldean kantatu dutenak.
Martxoaren 2an izango dute Durangaldeko bertsolariek hurrego hitzordua: Busturialdeko taldeagaz lehiatuko dira, finalaurreko lehenengo saioan.