Barikuan pelikula bi eskainiko dituzte, eta domekan beste hiru. Ander Iturriagagoitia antolatzaileak azaldu duenez, Bikes vs Cars pelikula da esanguratsuenetakoa. Gaiaren inguruan eztabaida sortzen dabilela dio, eta nazioartean hainbat sari eskuratu dituela ere bai. Barikuan, 22:00etan izango da proiekzioa.
Alternatibak erakusten
Aitziber Irigoras alkateak azaldu du helburu nagusi bi dituela Berdeago Azokak, herritarrengan kontzientzia sortzea, eta merkatuko alternatibak erakustea. Faktura ulertzeko tailerra, eta toxikorik bako etxeen zein lastoz eginiko eraikuntzen inguruko berbaldiak daude aukeran, besteak beste.