Akuatloiak korrika eta igerian osatu beharreko probak dira. Plentzian 2,5 km korrika, 1.000 metro igeri eta beste 2,5 km korrika egin zituzten parte hartzaileek. Vilak 34.53ko denboran osatu zuen ibilbidea eta Loizatek 39.43ko denboran. Mugarra triatloi taldeko Celes Fernándezek ere parte hartu zuen proban; sailkapen orokorrean 27. tokian amaitu zuen eta beteranoen 2. kategorian aurrenekoa izan zen.