Durangoko Uztai taldea izango da Durangaldeko talde bakarra. Bertako kide den Miren Barturenek dio taldekideen helburua gauzak ahalik eta ondoen egitea dela: “Hainbeste gauza egiten dituztenez, huts txiki bat nahikoa izaten da sailkapenaren goiko postuetatik behekoetara jaisteko”, azaldu du.
Kadete mailan, Bizkaiko Txapelketan laugarren sailkatu zen Ane Grandek postu on bat lortu dezake. Senior mailan, berriz, aipatzekoa da Bizkaiko txapelduna den Ane Tranchok parte hartuko duela. Gainera, taldekako lanean ere maila ona eman du aurten, oro har, Uztai taldeak, kategoria guztietan.
Barturenen ustez, sailkapenak ez du garrantzirik. “Gazteek kirola egitean disfrutatzea da gure helburua”.
Ikasturte amaierako erakustaldiagaz amaituko du taldeak denboraldia, ekainaren 13an.