Euskal Astearen barruko emanaldia da barikukoa, Durangoko Arandoño kultur elkarteak antolaturikoa. Barne kantak. Basque Journey Dúo izenburupean bilduriko kanten errepertorioa eskainiko dute Arberasek eta Garciak. Aita Donostiaren, Iparraguirreren edota Solozabalen kanta ezagunak eskainiko dituzte, esaterako. Hamabost kanta denera.
Bestalde, Ana B. Garcíak organoagaz bakarrik jotako bi obra ere izango dira entzungai San Fauston. Naji Hakim organista libanoarrak sorturikoak. Prélude, Choral et Danse izena du batak, eta Hakim-ek Garcíari eskainitakoa da. Obra horren estreinaldia egingo du Garcíak Durangon.