Era berean, ekintzaileentzako laguntza gehiago bideratu gura dituzte jarduera ekonomikoak martxan jarri ditzaten, negozioak zabaltzea oztopatzen duen burokrazia “minimora” murriztuz. Autonomoei, ostalariei eta dendariei laguntza planak proposatzen dizkiete herriko bizitzarako “oinarrizkoak” direlako.
Etxebizitzari dagokionez, sozialisten programak hutsik dauden 1.500 etxebizitzak mobilizatzeko ekimenak jasotzen ditu. Gainera, etxe kaleratzeekin amaitzeko, “alerta goiztiar programa bat” proposatzen dute.
Gardentasuna
Pilar Ríos zerrendaburuak parte-hartzea, herritarrak informatuta egotea eta udal kudeaketan gardentasuna izatea bermatu gura dituela dio. Horretarako, Gardentasun Ataria martxan jarri gura du.