UEUk antolatu duen kongresua barikura arte garatuko da, eta guztira 100dik gora ikerlarik egingo dituzte aurkezpenak. Hain zuzen ere, ikerlari gazte euskaldunen lana kaleratzea da UEUren helburua, baita euskarazko produkzioa handitzea eta ikerlarien arteko sareak sortzea ere. Zientzia arlo ugarietan ikertzen dihardute, eta atalka dabiltza aurkezpenak egiten.
Kongresuaren hasieran, kanpoko gonbidatu batek ere hartu du berba, Paul Zachary Myers biologia irakasle estatubatuarrak. "Ikertzaileok gure ohiko esparrutik irten egin behar dugu eta emaitzak gizartearen esku jarri", adierazi du Myersek.