Udako Euskal Unibertsitateak antolatuta, Ikergazte kongresua egingo da Durangon hurrengo astean, maiatzaren 13an, 14an eta 15ean. Ikertzaile gazte eta euskaldunei dagokienez, azken urteotan hazkundea egon dela uste dute, eta haiek batu, eta ikusgarritasun handiagoa ematea da UEUren helburua.
Hiru eguneko egitarauan makina bat berbaldi eta tailer edukiko dituzte, eta kongresuari nazioarteko aditu batek emango dio hasiera. Horretaz gainera, ikerlari euskaldunen esperientziak ezagutzeko aukera ere egongo da. Landako Gunean izango da topaketa, eta inskripzio epea amaituta dago.