Dagoeneko txirrindulariek eman diete hasiera 2024ko denboraldiari eta Durangaldeko Bizikleta Eskolako txirrindulariek ezin hobeto hasi dute. Unai Moran abadiñarra podiumetik gertu gelditu zen Eibarko Udaberri Sarian. Cafe Dromedario-Flotamet taldeko txirrindularia laugarren postuan helmugaratu zen, Eñaut Urkaregiren, Ander Otegiren eta Aimar Fernandez de Gorostizaren atzetik.
Gainera, Moranen taldekide Kimetz Aranburu eguneko ihesaldian ibili zen eta 14. helmugaratzea lortu zuen.