Ezgaitasuna duten Durangaldeko gazteak eta beraien familiak biltzen dituen Geu Be elkartearen sorreratik izan zen Diego Lope abadiñarra bertako partaide, eta elkartearen 13 urteko ibilbidean ondoan izan zituen lagunak bilduko dira zapatuko ekitaldian. Jose Alfaro Geu Be elkarteko kidearen berbetan, "ordu erdiko ekitaldia izango da zapatukoa, eta Diegok Geu Be elkarteagaz bizitako uneak erakusten dituzten ia 500 argazki proiektatuko" dituzte laguna omentzeko.