Isuri kutsagarrien garbiketan espezializaturiko enpresa bat ari da ingurunea garbitzen, eta lanek bi aste inguru iraungo dutela azaldu du udalak.
Jose Luis Navarro alkateak azaldu duenez, Atxarteko harrobi abandonatuan bertan behera utzitako bidoi batetik isuri da produktu kutsagarria.
Navarrok gogora ekarri du, duela urte batzuk bere alderdiak harrobi abandonatu hori berreskuratzeko egitasmoa aurkeztu zuenean, gainerako alderdiek ez zutela proiektua babestu, eta "harrobi abandonatuen arazoagaz jarraitzen" duela Abadiñok.