Datorren barikuko batzarrerako dei zabala egin dute, “ahalik eta gazte gehien hurbiltzea” gura dutelako, “mota guztietako ideiak batu ahal izateko”. Batzar horretan parte hartzen dutenen proposamenak jaso, eta hurrengo hiletarako ekintzen egutegi bat osatu gura dute: urte osoan askotariko ekintzak antolatuko dituen gazte taldea eratzea da helburua.
Sanprudentzioetarako, maiatzaren 1erako, antolatu zuten Traña-Matienako gazteek euren lehenengo ekintza. Kuadrillen arteko hartu-emana sustatzeko abiapuntu izan zedin gura zuten, eta oso balorazio positiboa egin zuten.