Aurreko urteetan bezala, gai bakoitzean aditua den emakume batek gidatuko du ikastaro edo tailer bakoitza. Iaz, 91 emakumek hartu zuten parte Abadiñoko Udalak eskaintzen dituen ikastarootan.
Abadiñoko Udaleko Berdintasun Arloko arduradunek azaldu dutenez, ikastaroak hasi baino astebete lehenagora arte egin ahalko da matrikula. Errota eta Txanporta kultur etxeetan zein berdintasuna@abadiano.org e-mailean eman daiteke izena. Matrikularen prezioa 15 eurokoa izango da abadiñarrentzat, 30 eurokoa beste herri batzuetakoentzat, eta 5 eurokoa ikasleentzat eta langabeentzat.