Zornotzako Bernagoitia auzoan jaiak hasiko dituzte gaur, 20:30ean, txupinazoa jaurtita. Pikoteo herrikoia prestatuko dute txokoan, eta, ondoren, Margo eta Rasta sin Pasta Band System taldeen txanda izango da. Bihar, berriz, Munduko dantzen inguruko tailerragaz abiatuko dute eguna. Bazkari herrikoiaren ostean, jolasak eta bolo txapelketa izango dira. Eguna Mad Chicken taldearen musikagaz amaituko dute.
Domeka eguerdian, txistulariak, aizkolariak eta Beñat Ugartetxea eta Felipe Zelaieta bertsolariak arituko dira. Pilota partidua, bildots eta otarraren zozketa, eta igel-toka eta txapel jaurtiketa ere egingo dituzte.
Aurtengo nobedadeetako bat auto zaharren lehenengo igoera eta erakusketa izango da. Maiatzaren 13an egingo dituzte igoerak, 16:35ean eta 17:55ean. Autoen erakusketa plazan jarriko dute.